മുക്കം: കിണറ്റില്നിന്നും വെള്ളം കോരാന് ഉപയോഗിക്കുന്ന കപ്പിയിലെ കയറില് ശംഖുവരയന് പാമ്പ്. തൊട്ടി കിണറ്റിലേക്ക് ഇറക്കുന്നതിനിടെ വീട്ടമ്മയുടെ കൈ പാമ്പിനെ സ്പര്ശിക്കുകയും ചെയ്തു.
അസാധാരണമായ എന്തോ ഒന്ന് കൈയില് തട്ടിയെന്നറിഞ്ഞ് വീട്ടമ്മ നോക്കുമ്പോള് കയറില് ചുറ്റിപ്പിണഞ്ഞിരിക്കുന്ന പാമ്പ്. നിലവിളിച്ചുകൊണ്ട് വീട്ടമ്മ ഓടി രക്ഷപ്പെട്ടു.
കാരശേരി പഞ്ചായത്തിലെ മുരിങ്ങംപുറായി തൂങ്ങലിലെ ഒരു വീട്ടില് ഇന്നലെ രാവിലെയാണ് സംഭവം.
പതിവുപോലെ വെള്ളം കോരാന് വീട്ടമ്മ സല്മത്ത് വീട്ടുമുറ്റത്തെ കിണറിന്റെ പരിസരത്ത് എത്തിയതായിരുന്നു. ഒരു മീറ്ററോളം നീളമുള്ള വിഷപ്പാമ്പാണ് കയറില് ഉണ്ടായിരുന്നത്.
വീട്ടമ്മയുടെ നിലവിളി കേട്ട് പരിസരവാസികള് ഓടിയെത്തി. പാമ്പിനെ കയറില്നിന്ന് മാറ്റാന് ശ്രമിച്ചെങ്കിലും സാധിച്ചില്ല. ഉടന്തന്നെ വീട്ടുകാര് താമരശേരി ഫോറസ്റ്റ് റേഞ്ച് ഓഫീസില് വിവരമറിയിച്ചു. വനംവകുപ്പിനു കീഴിലുള്ള സ്നേക്ക് റെസ്ക്യൂ ടീമിലെ ബാബു വെള്ളങ്ങല് സ്ഥലത്തെത്തി പാമ്പിനെ പിടികൂടി.
നേരത്തെയും ഈ പ്രദേശത്തുനിന്ന് ധാരാളം പാമ്പുകളെ വനംവകുപ്പിന്റെ നേതൃത്വത്തില് പിടികൂടിയിട്ടുണ്ട്. കാടുപിടിച്ചു കിടക്കുന്ന പ്രദേശങ്ങള് ധാരാളമുള്ള സ്ഥലമാണ് മുരിങ്ങംപുറായ്.
Deepika
E-paper LOGIN
LOGIN
